ഹൂദോത്തോ പത്താം ബാച്ച് 

മലങ്കര സുറിയാനി കത്തോലിക്കാ സഭയിലെ വൈദികർക്കായി നടത്തപെടുന്ന Ongoing Priestly ഫോർമേഷൻ ഹുദോത്തോയുടെ പത്താം ബാച്ച് 2024 നവംബർ 25 മുതൽ 28 വരെ സഭയുടെ ആസ്ഥാന കാര്യാലയമായ തിരുവനന്തപുരം പട്ടം കാതോലിക്കേറ്റ് സെന്ററിൽ വച്ച് നടത്തപ്പെട്ടു. ഫാ. തോമസ് മടുക്കുംമൂട്ടിൽ സ്വാഗതം ആശംസിച്ചു. ട്രെയിനിങ് കൂരിയ മെത്രാനും ഫോർമേഷൻ കോർഡിനേറ്ററുമായ അഭിവന്ദ്യ ആന്റണി മാർ സിൽവാനോസ് എപ്പിസ്കോപ്പ ഉത്‌ഘാടനം ചെയ്തു. മാവേലിക്കര ഭദ്രസനാധ്യക്ഷൻ അഭിവന്ദ്യ ജോഷ്വാ മാർ ഇഗ്നാത്തിയോസ് മെത്രപ്പോലീത്താ മുഖ്യ സന്ദേശം നൽകി. തുടർന്ന്  മലങ്കര സുറിയാനി കത്തോലിക്കാ സഭയുടെ തലവനും പിതാവുമായ മോറാൻ മോർ ബസേലിയോസ് കർദിനാൾ ക്ളീമിസ് കാതോലിക്കാ ബാവ വൈദികരെ അഭിസംബോധന ചെയ്ത് സംസാരിച്ചു. നവംബർ 28 ന് അഭിവന്ദ്യ ആന്റണി മാർ സിൽവാനോസ് എപ്പിസ്കോപ്പയുടെ മുഖ്യകാർമികത്വത്തിൽ കബർ ചാപ്പലിൽ വിശുദ്ധ കുർബാന അർപ്പിക്കുകയും ചെയ്തു. ഫാ. തോമസ് മടുക്കുംമൂട്ടിൽ, ഫാ. തോമസ് മുകുളുംപ്പുറത്ത് എന്നിവർ ക്രെമീകരണങ്ങൾക്ക് നേതൃത്വം നൽകി.